اللى مش هيسجل الاكونت بتاعه فى الشهر العقارى هايخلينى مضطره ومجبره احذفه

الجمعة 26 فبراير 2021 - 04:54 مساءً
اللى مش هيسجل الاكونت بتاعه فى الشهر العقارى هايخلينى مضطره ومجبره احذفه منعا للمشاكل مع الحكومة..
كلامى واضح ؟؟
ليه كده كل شويه سبيل لجمع الاموال باسم حماية المواطن وامن البلاد
ليه كل شويه ناخد من الغلبان منديلوش استفاد ايه المواطن من كل الجمع ده
جمعتوا فلوس من الناس للمخالفات وسبتوا اللي مضي ووقع ودخل خدمات وسابهم عايشين سنوات آمنين باسم الصح والقانون ومرمطوا ناس كتير في الموضوع ده اللي بقاله دهوووور قايم بعلمكم وصلحتوا غلط مالوش المواطن ذنب فيه وراح فيها الغلبان بس ودفع
التعليم بطبقوا قوانين عالميه بقالها سنوات في بلاد اترسخت متنفعش لبلادنا وضاع فيها جيل كامل ولسه
عمري ما سمعت عن ثانويه عامة واخبارها الا بتاعت مصر لا عافين تلغوا سنه سادته والا تحطوها والا عارفين تحطوا التاب والا تطبقوه مع جيل ومنظومه جاهله تلامذه واساتذه ونظار مدارس مع جيل بقاله سنين بيحفظ بس علشان يعدي وينجح ويتخرج بس
ليه المشاريع حتي اللي بتتعمل مش علي اد المواطن وامكانياته خالص ولا قادر يستمتع بيها
ممكن نعرف فين الشباب اللي معاهم تمن وحده اجتماعيه ياخدها ويعيش فيها باسعارها
اللي بيشتريها التجار من الباطن ويبيعوها تاني ويأجروها او كلنا عارفين مين اللي بيدخلوا طرح مناقصات الشباب اصلا
قين القوانين اللي حرفيا في مصلحة المواطن الغلبان المفحوت اصلا
بجد بجد الواحد تعب اوي
انا كسيده اعيش في مصر وكنت في الغربه والله مافيه ولا قانون في مصلحتي بتاتا وضامنلي حقي ولا حق ولادي ولا حق الحياة اصلا علي ارضك يا مصر من غير ما أدفع وادفع ولازم ادفع كل خطوة بقت بفلوس فلوس وبس
لا حتي في قوانين محكمة الاسره اللي المفروض تضمنلي حقي ولا في الدستور ولا في اي مكان
انا مخدتش خيرك خالص يا مصر من يوم ما اتخلقت بدفع بدفع بدفع ومش عارفه استفيد ولا اخد خدمات ولا حقوق ولا اي حاجه ولا فيه اي فرص لاي حاجه ومع ذلك متفائله
بايه معرفش
التفاؤل عندي مجرد شعور والله واحساس بالرضا بكل حاجه طبيعتي كده بتفاءل وببص لقدام وخلاص ما دمت عايشه وبتنفس
بس حقيقة ما خدتش اي حاجه تذكر بتاتا وكل شئ ان اخدته بدقع اضعافه
مصر غير اي بلد
كبيره وجميله وفيها خير بتتسرق ولسه فيها خير
كنت عشمانه فيك يا مصر
خذلتيني وخذلتني الظروف وطلعت علي اكتاف ولادك الحرامي والافاق والجاهل والمرتشي وردمت علي الباقي وخليتيهم عاجزين تماما
والاكثر قسوة ولادك عاجزين وعليهم التزامات وملهمش اي حقوق بتاتا
الواحد شايل هم عياله واحفاده اللي اصلا مبقاش لهم اي حاجه
لهم ربنا هيعيشوا ازاي في ظل الظروف ده واهدار المال والوقت والحقوق
طلعت جيل كداب وافاق وحرامي بينهش في بعضه لاغتنام الفرص
حتي العلاج ايام كورونا تشهد الحرامي والغني واللي عنده واسطه هو بس اللي كان له حق العلاج
وضاعت الهويه تماما والاصول والقيم وسط مجتمع ساداته روبيضه
صدقت يارسول الله
اللي هيدخل يجادل ويكتبلي قصائد شعر ودفاع ميدخلش بالله عليكم ويحتفظ برأيه لنفسه
انا ليه الواقع وارضه والبروقراطيه اللي احنا عايشنها ده وكفاية شعارات بقي كدابه
اللي عاوز يعيش مرتاح علي ارضك لازم يكون حرامي او متسلق مستغل فرص ويسرق غيره علشان يعيش ومهما حوشنا يامصر انت مبتشبعيش مش احنا
احنا مافيش قدامنا غير الرضا وبس نرضا بالوضع
الليميرضيش ربنا ده خالص
لنا الله
# ليه كده يامصر بتظلمينا
#أنا مش حرامي يا مصر

 

تعليق الفيس بوك