الاحلام بقلم امل المحلاوي

الأربعاء 10 فبراير 2021 - 08:09 مساءً
امل المحلاوي

امل المحلاوي

كتب : امل المحلاوي
فيه من أنواع الخلافات
الأحلام
أيوه الأحلام 
ازاي يعني 
هو احنا كمان هنتحاسب عالأحلام بتاعتنا 
 
الحقيقة ان احنا اللي بنحاسب اللي حوالينا على أحلامنا
مش على أحلامهم
 
أي علاقة بندخلها سواء صداقة ...عمل ... زواج
بيكون عندنا توقعات وأحلام وأمنيات
التوقعات دي مبيكونش عندنا وعي بيها بشكل كافي
وبالتالي مش بنشارك فيها الطرف الآخر من العلاقة
لكن لما بيحصل حاجة عكس توقعاتنا منه.....
فهوووووب بتحصل المشكلة
ونلاقي نفسنا بنعاتب أو بنتجرح في صمت
 
وبنحتاج  في الوقت دااااااااااا
خاحه كددددده 
اه شوف يا سيدي 
بنحتاج نفهم نفسنا  ونهدي روحنا ونمرنها تمارين لياقه وشياكه  ونكلمها علشان تستجيب للناء الآلي ده اللي المفروض فطري
ونكلم ربنا كتير وده العادي نكلمه ده هو اللي ابدع خلقك وخلق مخك  بس نكتر معاه جلسات الاستشاره والفضفضه 
زي مثلا ناخد رأيه 
ايه اللي كنا متوقعينه وايه اللي عملناه
وايه اللي حصل وايه اللي وصل خلاف التوقع
وهل الطرف الآخر عنده علم بيه....ولا لأ ؟
الكرف الآخر ده اللي عاملك مشكله ترضيه وتتعايش معاه 
وايه اللي انا محتاجه
وازاي ممكن أوصل احتياجي دا للطرف الآخر 
من غير اتهام...أو نقد
أصل الاحلام بتاعتي بس تنفيذ السيناريو ده لازمله ناس ماعايا 
الدنيا ناس تعيش وتتعايش سوي سوي 
وابدأ كده أبص للموضوع بعمق ومش سطحيه وأقيم وأحلل وأحط خطط  واشيل خطط واي خطه تضرني وتضر غيري وحط تحت كلمة غيري ده ألف خط برضه 
فلازم الغيها الخطه ده خالص واحط بدايل ومقترحات
ماهو انا منفعش نفسي وأضر غيري وانا متأكد ان ربنا علاقته بيه حلو وبيسامح ورحيم بس قالي وفكرني انه لا يغفر ولا يسامح  في حقوق العباد فهخلي بالي بقي من الحكايه ده  واحط خطط بديله وده فايدتها عظيمه حاجه كده زي مضادات الاكسده هي زي مضادات الاكتىاب كده 
علشان متتاكسدتش كده وتكتئب وتعرف تكمل بدون ضرر ولا ضرار وتلتقي بديل لطرق وخطط وتفكير 
 
الخلاف دعوة للفهم
والمشاكل واقع وابتلاء وغباء احيانا مننا  أو من الاخرين 
فهمنا لبعض مسؤليتنا اولا وفهمنا لنفسنا اولويه في حياتنا لو نحب نفسنا وحياتنا 
 يارب نتعلم نفهم بعض
عيشها بمودة ورحمه تكسب كتيييير ومتقوقعش الموده والرحمه في حته واحده او زاويه صغيره لأ كوم وارمي ووزع كبرها بتكبر اكتر واكتر واكتر 
الخير بيكبر 
ده ربنا قالك إيه 
عملت خير تؤجر وتشكر ومحددتش هيديك ايه شوف انت بقي ربنا وكرمه وتوقع منه الكتير لانها ثقه فيه وعباده له 
ولو عملت شر هيديك سيئه واحده بس
ولو فكرت خير هيديك حسنه واحده علي بس تعبك في الفكره 
ولو نفذت الخير هتؤجر 
ولو نفذت الشر هولات وغضب ربك وظلم للنفسك والعباد
ولو فكرت في الشر ومنفذتش وقاومت مش هيسجل حاجه  عليك  بس افتكر لما قالك لو فكرت خير هيكافأك 
الفكرة بحسنه الفكره بس 
 
وما كان ربك نسيا ابدا كله بالحسابات والتفكير والأحلام 
شفت بقي الأحلام عملت ايه وايه وايه وايه 
فخلي أحلامك حلوة وورديه وخيريه 
الحلم الحلو بحسنه وادخل وتاجر مع ربنا

تعليق الفيس بوك