امل المحلاوي تكتب الخير يكمن في الشر

الجمعة 15 يناير 2021 - 06:00 مساءً
امل المحلاوي

امل المحلاوي

كان فى واحدة ست أمنية حياتها  تركب القطر وتتفسح وتشوف الدنيا وتستمتع 
قامت قررت تروح المحطه وحجزت تذكره وقالت لنفسها انها قررت  تتفسح وتنبسط   وركبت القطر وبدأت رحلتها 
دخلت وانبهرت بالقطر جدا وجماله وسرعته 
وجمال الناس حتي الموجودين  وقعدت على الكرسى واول ما القطر اتحرك لقيت اطفال  صغيرين عمالين يلعبوا ويتنططوا جنبها ويعملوا ازعاج زعلت اوى واتضايقت وقالت انا مش خارجة علشان اتضايق بعد كل ده والصبر علشان احقق امنيتي واركب القطر والف وانبسط
  ندهت علي الكمسرى وطلبت منه بكل هدوء تغيير مكانها 
 راح استجاب لها  وغير لها مكانها 
قعدت جنب راجل ومراته وهوووب و شوية ولقيتهم بيتخانقوا ويزعقوا لبعض اتضايقت تانى اوي بقي 
وراحت ندهت للكمسري واعادت الطلب نفسه واستجاب  وغيرت مكانها تانى وقررت  تقف شويه 
لاقت نفسها بتتارجح وهتقع وتعبت من انها توازن نفسها للوقوف 
ونادت علي الكمسري 
واعادت الطلب والغريب انه كان متعاون جدا
وابنره ده قررت تفكر ختقعد فين والا هتروح فين بالضبط والكمسري انتظر مع ابتسامه جميله القرار 
قررت  تقعد جنب الشباك وتستمتع بالشمس والهوا والزرع الجميل والمناظر الحلوة وتعيش لحاظاتها هي بمع نفسها وبدماغها وعقلها وتفصل نفسها خالص عن كل حاجه 
بس للاسف للاسف فجأة سمعت سواق القطر بيقول كله ينزل الرحلة خلصت وده اخر محطه لكل المسافرين 
لحظتها  بس لاحظت خدت بالها ان الرحلة اقصر بكتيييير من المشاكل والامور الصغيرة اللى ممكن تعكر صفوها وان الرحله اجمل من انها متستمتعش بيها   وأنها كان ممكن تستمتع برحلتها اكتر لو كانت طنشت  وتغافلت  وتجاهلت او حتى حاولت تساعد في الحل 
استمتعوا بحياتكم وسامحوا قبل ما قطر الحياة يعلن نهاية الرحلة ومتكتشفش الجمال والحب واللي بيحبوكم والجمال اللي حواليكم اصلا 
كل حاجه حوالينا فيها جمال حتي لحظات الانهيار بتخليكم تتغيروا 
فمضيعوش اي جمال بيعدي 
وحطوا بالكم جملة ويكمن الخير في الشر كثيرا .... وان فيه ناس حلوة هتساعدنا وتستجيب زي الكمسري 
انا دايما في كل كلاس يوجا بختمه بجملة 
ان الله جميل يحب الجمال والجميل صاحب الجمال لا يرسل الا كل جميل 
ويكمن الخير في الشر 
 
أمل المحلاوي

تعليق الفيس بوك