خريطة العالم السياسية تتغير بسرعة بقلم د خالد محمد صلاح

الأربعاء 06 يناير 2021 - 08:40 مساءً
خالد

خالد

كتب : د خالد رفعت صلاح
(خريطة العالم السياسية تتغير بسرعة)
 
= من شوية فاز الديموقراطيين باخر مقعدين فى انتخابات اعادة مجلس الشيوخ فى ولاية جورجيا .. انا بعتبر الفوز ده مهم جدا زى فوز بايدن بالضبط عشان : 
 
= ولاية جورجيا من ولايات الوسط الجنوبي وولاية بيضاء يعنى معقل تقليدي للجمهوريين .. ففوز الديموقراطيين بالمقعدين ده شئ نادر جدا .. بس المزاج العام تغير تماما للناخب الامريكي بدليل تصويت 81 مليون ناخب لبايدن وده رقم قياسي. (معدش الناخب الامريكى بياكل من شغل الهمبكة والشعبوية بتاع ترامب .. بخلاف مشاركة الاقليات بكثافة)
 
= كده عدد الاعضاء الجمهوريين ييساوى عدد الديموقراطيين يساوي 50 مقعد فى مجلش الشيوخ ولو تساوى التصويت سيكون الصوت الحاسم هو صوت رئيس المجلس اللى بيكون نائب رئيس امريكا .. يعنى الديموقراطين ضمنوا تصويت اغلبية مجلس الشيوخ .. ده غير انهم عندهم اغلبية مجلس النواب ومنصب الرياسة ..فطبيعى جدا انهم حيرشحوا قضاة ديموقراطيين  ... يعنى بايدن حينفذ كل خططه بدون ادنى اعاقة من الجمهوريين. 
 
= طب الكلام ده حيأثر علينا فى ايه ؟ اقولك ... اهتمام ادارة بايدن بملف حقوق الانسان حيشكل ضغط كبير على كل الانظمة العربية .. ولكن فى نفس الوقت لن تحلب ادارته العرب كما فعل ترامب ... سيوقف الحرب التجارية مع الصين مما يزيد من فرص الاستثمار وانتعاش الاقتصاد العالمى وبالتالى حيرتفع البترول ويزدهر الخليج ويسحب مننا عمالة .. سينهى مشكلة ليبيا وسورية عشان ينعش اقتصاده اولا .. وطبعا حيتفتح باب للشركات المصرية لاعادة الاعمار .. باختصار فترة بايدن ستكون افضل اقتصاديا للشعب .. ولكنه سيمارس ضغوطا كبيرة على النظم الحاكمة فى المنطقة.
 
= اعتقادي الشخصي اننا سنشهد انتعاش اقتصادي كبير فى المنطقة (من عمليات اعادة اعمار ومناطق استثمار مشتركة بين الدول)  بمجرد انتهاء جائحة كرونا ندعو الله ان يكون لنا نصيب فيها ..

تعليق الفيس بوك